Մառնեուլի քաղաքապետարանում երեխաների իրավունքները պաշտպանելու
համար մշակվել է նոր ծառայություն: Մոտ երկու ամիս է, ինչ տեղական
ինքնակառավարման առողջապահության և սոցիալական ապահովության
վարչությանը նոր գործառույթներ են ավելացվել:
Երեխաների իրավունքների պաշտպանության առումով ներկայումս աշխատակազմի
հինգ անդամ կա ՝ սոցիալական աշխատող, փաստաբան, հոգեբան, համակարգող և
տեսուչ: Ինչպես «Ռադիո Մառնեուլի»-ին ասել է համակարգող Նինո
Խարաիշվիլին, նրանք 2021 թվականի հունվարի 4-ից սկսել են աշխատել
ծառայությունների վրա և ունեն շատ ակտիվ բողոքներ: Ներկայումս
ծառայությանն է հասել հինգ դեպք:
MarneuliFM · Նինո Խարաիշվիլիի մեկնաբանությունը
«Դիմումը պետք է կատարվի քաղաքացու, կամ երրորդ անձի կողմից կամ
անմիջապես երեխայի կողմից: Մենք անմիջապես տեղափոխվում ենք ՝
սոցիալական աշխատողի, հոգեբանի և փաստաբանի հետ։ Մենք ունենք հատուկ
ֆորմաներ և անհրաժեշտության դեպքում լրացնում ենք անչափահասի
կարիքները: Ըստ այդմ, մենք արձագանքում ենք: Եթե քաղաքապետարանի
կողմից պետք է լուծվի, մենք անմիջապես անրադառնում ենք դրան: Եթե
բռնության զոհ է երեխան կամ ինչ-որ նմանատիպ սրված իրավիճակ է, մենք
արդեն հղում ենք կատարում համապատասխան մարմիններին: Մենք ունեցել ենք
երկու նման դեպք, որոնց մենք ինքներս արձագանքել ենք, կան մի քանի
դեպքեր, որոնց պետք է անդրադառնալ », - ասել է Նինո Խարաիշվիլին ՝
նշելով, որ առաջիկայում ծառայության կավելանա մեկ այլ աշխատակից ՝
բժիշկ:
Առողջապահության և սոցիալական հարցերի, երեխաների իրավունքների
պաշտպանության և աջակցության վարչության համակարգող Նինո Խարաիշվիլիի
խոսքով, 5-ից մի քանիսը բռնության դեպքեր են, ինչպես նաև
սոցիալ-տնտեսական խնդիրներ:
15․02․2021
«Ռադիո Մառնեուլի»
Թարգմ․ ՝ Մարգարիտա Միսկարյան