Ապրիլի 19-ից 18 տարեկանից բարձր անձանց համար սկսվել է
կորոնավիրուսի պատվաստումների նախնական գրանցումը: Այս պահին ( ժամը
00:44 դրությամբ) 29.029 մարդ է գրանցվել, և նրանցից 27.910-ը
ցանկանում են պատվաստվել Pfizer պատվաստանյութով: Դրանից հետո գալիս է
«Մոդեռնա» պատվաստանյութը, «Աստրազենեկան» և այլն:
Առողջապահության նախարարության տվյալներով ՝ նախնական գրանցման
նպատակը պատվաստում կատարել ցանկացողների թվի վերաբերյալ
տեղեկատվություն ստանալն է: Բացի այդ, կայքի միջոցով քաղաքացին
հնարավորություն ունի նախապես գրանցվել պատվաստանյութի համար և ընտրել
իր ցանկալի պատվաստանյութը:
«Քաղաքացիները պետք է հաշվի առնեն, որ պատվաստանյութերի ցանկից
առավելագույնը 3 նախընտրելի պատվաստանյութ կարող է ընտրվել: Երեք
պատվաստանյութ ընտրելուց հետո համակարգը այլևս թույլ չի տալիս ընտրել
չորրորդ պատվաստանյութը, չնայած որ քաղաքացուն թույլատրվում է փոխել
պատվաստանյութը նախքան «համաձայնվելը»: «Դրանից հետո անհրաժեշտ է
լրացնել անձնական տվյալները», - ասել են նախարարությունից:
Նրանց խոսքով ՝ պորտալի գործարկման նպատակը պատվաստանյութերի
վերաբերյալ քաղաքացիների հետաքրքրությունների ու սպասելիքների
գնահատումն է:
Վերջին տվյալների համաձայն ՝ երկրում պատվաստվել է 30 209 մարդ: Ինչ
վերաբերում է կորոնավիրուսի դեպքերին, ապա Վրաստանում հաստատվել է
295,936 դեպք, որից 281 574-ը բուժվել են, 3,949-ը մահացել են:
20․04․2021
«Ռադիո Մառնեուլի»
Թարգմ․ ՝ Մարգարիտա Միսկարյան