Միխեիլ Սաակաշվիլիի զուգընկեր Լիզա Յասկոն Ռուսթավիի բանտ

կատարած այցից հետո ասում է, որ Վրաստանի նախկին նախագահը չի պատրաստվում դադարեցնել հացադուլը։
Յասկոն լրագրողներին բացատրել է, որ վիճակը օրեցօր վատանում է, և մենք պետք է ինչ-որ բան անենք դրա դեմ, նա պետք է ազատ արձակվի»։
«Նա չի պատրաստվում դադարեցնել հացադուլը, դա շատ դժվար է։ Նա նիհարել է մոտ 20 կիլոգրամով և ունի շատ ծանր ախտանիշներ»,- ասել է Յասկոն։
Վրաստանի ընտրությունների կամ ընթացիկ քաղաքական իրադարձությունների վերաբերյալ տրված հարցին Յասկոն պատասխանել է, որ այդ մասին պետք է խոսեն վրացական կողմի խոսնակները։
Ինչ վերաբերում է Ուկրաինայի դիրքորոշմանը, Յասկոն, որպես Ռադայի անդամ, նշում է ՝
«Մենք ցանկանում ենք, որ Սահակաշվիլին վերադառնա Ուկրաինա, բայց շատ բան կախված է վրացական կառավարությունից և այն, ինչ հիմա կատարվում է, դա վրացական կողմի պատասխանատվությունն է»,- հավելել է նա։
Միխեիլ Սաակաշվիլին արդեն մեկ ամիս է, ինչ հացադուլի մեջ է։ Նրա կուսակիցներն ու բուժաշխատողները ասում են, որ վիճակը գնալով վատանում է։
Որոշ կողմնակիցներ և կուսակցության անդամներ Սաակաշվիլիին կոչ են անում դադարեցնել հացադուլը։ Նրանց թվում է կուսակցության նախագահ, Թբիլիսիի քաղաքապետի թեկնածու Նիկա Մելիան։

«Ռադիո Մառնեուլի»
Թարգմ․ ՝ Մարգարիտա Միսկարյան