Հուլիսի 3-ին Մառնեուլիի Ժողովրդավարական ներգրավվածության
կենտրոնում տեղի ունեցավ հանդիպում Մառնեուլիի մունիցիպալիտետի
հաշմանդամների հարցերով աշխատող խորհրդի անդամների հետ։
Հանդիպմանը «Հասարակության ուղու» ղեկավար Մարիկա Մգեբրիշվիլին
ներկայացրեց ծրագրի ներկայացումը և հաշմանդամների զբաղվածությունը
խթանելու նպատակով մշակված առաջարկությունները։
«
Ծրագրի հիմնական նպատակն է բարելավել տեղական
քաղաքականությունը, որպեսզի հաշմանդամություն ունեցող անձինք
կարողանան հայտնվել զբաղվածության շուկայում: Ծրագիրը հիմնականում
ուղղված է տեղական, մարզային և կենտրոնական կառավարման մակարդակներին:
Նախագծի համաձայն՝ այս փուլում աշխատում ենք Մառնեուլիի
քաղաքապետարանի, Գորիի, Խաշուրիի և Զուգդիդիի քաղաքապետարանների հետ։
Նախագիծն ինքնին գործում է արդեն երրորդ տարին։ Նախորդ հանդիպում ենք
ունեցել նաև Մառնեուլիի մունիցիպալիտետի տեղական ինքնակառավարման
մարմինների ներկայացուցիչների հետ, կիսվել ենք նախորդ երկու տարիների
ընթացքում այս առնչությամբ ունեցած փորձով և կիսվել ենք
նորություններով, որոնք լավագույն փորձը կարող են լինել Մառնեուլիի
քաղաքապետարանի համար։ Այսօր մենք եկել ենք հանդիպելու տեղական ոչ
կառավարական և հաշմանդամություն ունեցող ավագանու անդամներին և
կիսվելու ծրագրի փորձով և քննարկելու թիմային աշխատանքի
առաջնահերթությունները: Մենք հրավիրել ենք զբաղվածության խթանման
գործակալության ներկայացուցչին, ով մասնակիցներին կծանոթացնի
գործակալության ծրագրերին»,- մեզ հետ զրույցում ասաց Մարիկա
Մգեբրիշվիլին։
Հանդիպումն անցկացվել է «Վրաստանում զբաղվածության խթանում և
աշխատանքային քաղաքականության օպտիմալացում» ծրագրի շրջանակներում,
որն իրականացվում է TENENT «Հասարակության ուղի» սլովակական
կազմակերպության կողմից՝ Սլովակիայի Միջազգային համագործակցության
զարգացման գործակալության ֆինանսական աջակցությամբ։
Նշված ծրագրի շրջանակներում 2023 թվականի ապրիլին գործընկեր
կազմակերպությունը հյուրընկալել էր Սլովակիայի/Բրատիսլավայի յոթ
մունիցիպալիտետների տեղական ինքնակառավարման մարմինների և հասարակական
սեկտորի ներկայացուցիչներին, որտեղ նրանք հնարավորություն ունեցան
ծանոթանալու գործող ծրագրերի գործունեությանը և սոցիալական
ձեռնարկություններին և այնտեղ ձեռք բերված փորձն օգտագործել իրենց
համայնքներում ծրագրերի իրականացման գործընթացում։
"Ռադիո Մառնեուլի"
Թարգմ․ ՝ Մարգարիտա Միսկարյան