Marneuli bələdiyyəsinin 1 saylı uşaq bağçasında su çiçəyi xəstəliyi
halı aşkarlanıb.
Bizimlə söhbət zamanı Marneuli İctimai Səhiyyə Mərkəzinin rəhbəri
Eter Laperadzenin dediyinə görə, su çiçəyi idarə olunan infeksiya
deyil və onun vaksinləmək olmaz. Hava damcı yolu ilə bu xəstəliyə
tutulmaq isə asan şəkildə mümkündür.
"Həyata keçiriləcək yeganə tədbir uşaqda simptom
olduqda buraxmamaqdır. Bağçanın əməkdaşları deyirdilər ki,
simptomlar yox idi. Qırmızı səpkilər aşkar olunub. Bu halda uşaq
təcrid olunmalıdır, evə buraxılmalıdır və evdə müalicə olunmalıdır.
Bu bağça əməkdaşları tərəfindən görülə biləcək yeganə
tədbirdir" - dedi Eter Laperadze.
1 saylı uşaq bağçasında ilk əvvəl su çiçəyi 2 uşaqda sonrakı günlər
isə yenə 3 uşaqda aşkarlanıb. Laperadzenin sözlərinə görə, bir
halda ki, qeyd olunan xəstəlik idarə olunan deyil yalnız uşaq
bağçalarında deyil başqa yerlərdə aşkarlanması da mümkündür.
Su çiçəyi uşaq yaşlarında kəskin virus xəstəliyidir. Xəstə adam
öskürək və ağsıraq zamanı xəstəlik yayır və xəstələnəndən 9-10 gün
ərzində infeksiya mənbəyi sayılır.