Մառնեուլիի քաղաքապետարանի դպրոցներում առաջին դասարանցիների
գրանցման երրորդ փուլն է ընթանում։
Հինգ ուսումնական հաստատություններում առաջին դասարանցիների
ընդունելության սահմանաչափերն արդեն սպառվել են։
Մառնեուլի քաղաքի N2 դպրոցը նոր ուսումնական տարվա համար նախատեսել էր
100 տեղ։ 50 վրացական և 50 ռուսական հատվածների համար։ Հունիսի
6-ից գրանցման կայքում ազատ տեղերն այլևս չեն որոնվում։
Քանակը լրացվել նաև Մառնեուլի քաղաքի թիվ 5
հանրակրթական
դպրոցում, որն այս տարի ընդունելու է 75 առաջին դասարանցի։
Մառնեուլի քաղաքի N6 հանրակրթական դպրոցում այլևս ազատ տեղեր չկան։
Այս ուսումնական հաստատությունը 2024-2025 ուսումնական տարում
ընդունելու է 125 առաջին դասարանցի։ 100 վրացական հատվածում, 25 ՝
ռուսական հատվածում։
Առաջին դասարանցիների համար տեղեր են համալրվել Մառնեուլիի
մունիցիպալիտետի Սաիմերլո գյուղում, որտեղ գրանցվել է 25 աշակերտ։
Մառնեուլիի մունիցիպալիտետի Ծերեթելիի հանրակրթական դպրոցը ևս չունի
ազատ տեղեր վրացական հատված ընդունելու համար։ Այս ուսումնական
հաստատությունն այս տարի կընդունի 50 աշակերտ։
Գրանցման երրորդ փուլը կշարունակվի մինչև հունիսի 13-ը։ Գրանցումը
կկատարվի Կրթության կառավարման տեղեկատվական համակարգի գրանցման
պաշտոնական կայքում։
Գրանցումը տրամադրվում է ծնողի/օրինական խնամակալի կողմից:
Էլեկտրոնային եղանակով գրանցված աշակերտ ընդունելու համար անհրաժեշտ
փաստաթղթերի ներկայացումը կիրականացվի հունիսի 14-ից հունիսի 25-ը։
Փաստաթղթերը սահմանված ժամկետում չներկայացնելու դեպքում գրանցումն
ինքնաբերաբար կչեղարկվի։
2024-2025 ուսումնական տարում Մառնեուլիի 74 հանրակրթական դպրոցներ
կարող են ընդունել առավելագույնը 2200 աշակերտ։
Գրանցման երրորդ փուլից հետո կսկսվի վերջին՝ չորրորդ փուլը։
IV փուլ՝ հունիսի 27-ից հուլիսի 12-ը կիրականացվի դպրոցներում։
Այս փուլում այն աշակերտները, ովքեր չեն գրանցվել I, II և III
փուլերում, կամ ովքեր ցանկանում են փոխել իրենց գրանցումը, կգրանցվեն
մնացած ազատ տեղերի կամ նախորդ փուլերում ազատված տեղերի
հաշվին։
Լուսանկարը ՝ ՛Ռադիո Մառնեուլի"-ի
արխիվ
"Ռադիո Մառնեուլի"
Թարգմ․ ՝ Մարգարիտա Միսկարյան