“Marneuli” radiosunun jurnalistləri vəzifə səlahiyyətlərini
yerinə yetirmək məqsədi ilə Araflı kəndindəki 56 saylı seçki
məntəqəsinin ərazisinə daxil olublar.
22 saylı Dairə Seçki Komissiyasında akkreditasiya keçmiş
jurnalistlərdən biri şəxsiyyət vəsiqəsi yanında olmadığına görə,
məntəqəyə buraxılmayıb.
Jurnalist bu zaman şəkil çəkib. Çöldə duran komissiya üzvləri onu
komissiya masasının şəklini çəkməkdə ittiham ediblər. Məntəqə
ərazisində olan şəxslər jurnalisti dairəyə
alıblar və onu qanunu
pozmaqda və saxta sənəd təqdim etməkdə ittiham ediblər.
Psixoloji təsir göstərərək jurnalisti şəkli silməyə məcbur ediblər.
Komissiya üzvlərindən biri jurnalistə bu məntəqəyə daxil olmağa
imkan verməməyə çalışırdı.
Həmin vaxt məntəqəyə Bələdiyyə Məclisi sədrinin müavini Mamuka
Naveriani gəlib.
Faktla bağlı “Marneuli” radiosu “Gənc Hüquqşünaslar
Assosiasiyası”na müraciət edib və vəziyyətin aydınlaşdırılmasını
xahiş edib.