ფინანსთა სამინისტროს საგამოძიებო სამსახურმა ყალბი ფულის გასაღების
ბრალდებით ერთი პირი დააკავა.
"გამოძიებით დადგინდა, რომ ბრალდებულმა, უკანონო
მატერიალური სარგებლის მიღების მიზნით, თბილისში გაასაღა ჯამში 3 700
აშშ დოლარის ოდენობის ყალბი 100-დოლარიანი კუპიურები" -
აცხადებს საგამოძიებო
სამსახური და აღნიშნავს, რომ
სამართალდამცველებმა ყალბი კუპიურები სრულად ამოიღეს.
გამოძიება სისხლის სამართლის კოდექსის 212-ე მუხლის მეორე ნაწილით
მიმდინარეობს, რაც 7-დან 10 წლამდე ვადით თავისუფლების აღკვეთას
ითვალისწინებს.